يا أهل المغني
دمغنا وجعنا
ضجيج وزعيق
أشمعني زمان
كان للفن معني
يمكن عشان
مكنشي أوان
العنب والبلح والرمان
يجمعنا
كان عبد الوهاب وأم
كلثوم ....
والعندليب يسمعنا
علي قد الشوق
والهوي هوانا
ده المغني صنعا
مش سلق بيض
ولا رقص بس
يشخلعنا
ده كلمة حلوه
تمتعنا
وتسحرنا .... وتبهرنا
يا عيني عليكي يا ست
لما تقولي
هل رأي الحب سكاري
مش بحبك (يا حمار ) ويا (حمارة )
والبري بري بيلق في الشكمنات
وكل هبل الأعلانات
يا مين يسمع يا مين يشوف
فضايح الفديوي كليبات
يا أهل المغني دمغنا وجعنا
وهلت البشاير
شعبلة جه وقال : هبطل السجاير
وهكون انسان جديد
مستحمي وزي الفل
بيبرق زي الحديد
يا أهل المغني دمغنا وجعنا
ومين فيكم هيبقي
تبعنا ..........................!!
المشاركات
0 Comments:
أكتب تعليقك هنا