انا فرعون زماني عايش وسط الناس
بكرامة وذوق ودم واحساس
وانا مش بيه ولاباشا ولا أستاذ
وعشان شاعر انا..... فأنا بالناس حساس
لفيت المدن فيلال وقصور ولاقيت هناك الماس
ورحت القري والعزب....لاقيتها بتشكي من الافلاس
وكفور ونجوع.........بتشرب من المر كاس
وناس تانية في المجالس عنيها فيها نعاس
شفت الفساد موجود في البلد زي الهوا والمية
في كل مجلس أدارة.........ومؤتمر يقول البلد دي غنية
وماشفت كويس في البلد.......يقول للمرتشي اسكت شوية
ياعيني الهبش داير هايص والناس معمية
كان هدفي انور واكسر الأبواب
وأخرّج الناس للشمس والنور خارج....السرداب
وقفوا قصادي وقالوا لي روح هات شهادة من ألي الألباب
جريت ع الحي وقلت هلاقي هناك اصحاب ألباب
وقفت اخبط لطعوني علي الأبواب...ولقيت ضمير ميت...وماشفت غير ذئاب
طبعا طلعت ع المحافظة........ده حقي ضايع
حبسوني في السرداب كالمجرم او الصايع
وهايخدوا روحي عشان صوتي عالي...وكأني لعمري بايع
بست النعال محدش يلمني.......ده حقي ضايع
هربت ونزلت كفر الغلابة اشرب من القلة
قابلني فلاح حزين بيبكي من علة
قلت له فضفض وقولي علي إلّي في قلبك كله
قالي حللوا زرع الشيبسي والفراولة وحرموا الغلة
وأم العيال رامية الحمل كله عليا
قالتلي فين الغلة(الدرة والقمح)ياعينيا
لوكل العيال راح نطحن بدل الغلة بمية
وراح نخبز عنب ونسّقي ب ملوخية
أقولك الحق من الغلب خرست وسكت
وراح اقولها ايه ده انا من كتر الكلام زهقت
ده لو في الدار رغيف خبز يكله ولادي كنت
لاعايز دش ولا رسيفر ولايلزمني نت
فضلنا ساعات انا والفلاح نقول ونعيد علي الاحوال
ومن كتر الكلام ألفنا علي احوالنا امثال
ويعني الكلام ه يعمل ايه في دنيا الأندال
ومين عالم مش يمكن بكرة نفك الحبال
المشاركات
0 Comments:
أكتب تعليقك هنا