دوخيني يادنيا دوخيني
في رحابك وجهيني
سفريني وبهدليني
وفي بحور الشوق يا حلوة
غرقيني
وعلميني , وعلميني أزاي أعيش
ده أنا من غيرك يا دنيا مساويش
ده أنتي قلبي وأنتي نبضي
بالله عليكي متنسنيش
ولففيني يادنيا لففيني
في بلاد الكون يابيضه
فسحيني
وفرجيني , وفرجيني علي حلوتك
ما أنتي يا دنيا حلوه
جميلة سكر آه من طعمتك
بس ياحلوه الملامح
أوعي تتخلي عن وعودك
وتقولي أبدا مسامح
ما أنا حالف يادنيا أبدا مخونك
وفي عيوني راح أصونك
ما أنتي يا دنيا غاليه
علي اللي يقدر يفهم جنونك
ومرجحيني ... يا دنيا ... مرجحيني
وفي رياح الحب ياله ريحيني
بس حسبي توقعيني
وفي بحورك تغرقيني
ولا أقولك
علميني ياحلوه العوم علميني
وأمسكي دفه شراعي
ووجهيني لشطوطك وجهيني
ما أنا لسه مكتوب فوق جبيني
هفضل عبيط أهبل عمري ما عقل
بس يادنيا خلي بالك
أوعي تبعيني
ده مهما كان قلبي شالك
أوعي تسبيني
لحسن أتوه
وتختلط عندي الوجوه
نوريني ... يا دنيا ... نوريني
وبعلامك فهميني
ده أنا لسه مستنيكي هلي
مأنتي شمسي ... وأنتي ضلي
وأنتي أخر شيء فضلي
فرحيني ... يادنيا ... فرحيني
يا حبيبتي أنتي أسعديني
وسهريني وأتعبيني
في حبك أيوه أسعديني
بس حسبي عليا
لبكي بدموع عيني
وشجعيني أني أكون
اللي مقدرتش أكونه
وبعدي عني الظنون
لحسن أخونه
ودوخيني ... يادنيا ... دوخيني
المشاركات
1 Comment:
دوخيني يا دنيا هي دي فعلن الدنيا
وديما كده ديخين شعر جميل أخي تسلم أيدك
أكتب تعليقك هنا