رغيف العيش في مصر ( بين الترهيب والترهيب ) ( قنبلة موقوتة )

---

رغيف العيش في مصر هو بطل ، لدرجه تلاهف الناس علية بالطوابير الطويلة قوي ، كما أصبح أساس المشاكل والمشاجرات كل يوم بين الناس أمام المخابز ( ياتري من هياخد العيش بتاعة الأول ) .



طبعا أحنا عرفين أن :

1- أزمة السكان ( وفي زيادة في الكثافة السكانية ) .

2- وان أنتاج القمح عندنا في مصر لا يكفي حجم الأستهلاك .

3- وأن رغيف العيش أبو شلن ده مدعوم من الحكومة ( وعشان كدة الناس بتأكله بترابة وحشراتة ) .

طبعا الكلام ده كلة عرفينة .....



لكن أحنا هنتكلم عن بعض العادات اللي بتوجد مشكلة ( لأن من الممكن منخليش في مشكلة علي العيش )

طيب الزاي هقول :

1- أولا : - وأهم شيء فين الرقابة علي أصحاب المخابز اللي الحمد الله بيقدروا لغاية دلوقتي يسرقوا الدقيق المدعوم ويبعوة في السوق السوداء أو بلاش ييبعوا ممكن نقول يستبدلوه بدقيق أقل جودة وطبع هيخدوا فارق السعر ( طبعا ده جشع أصاحب المخابز ) .






2- ثانيا : - في كده ناس بتحب توفر ( أكل الطيور والحيوانات بتاعتها ) ويا سبحان الله ده بيبقي علي حسان الناس اللي مش عرفة تشتري رغيف العيش أنتم عرفين لية : لأن الناس دي بدل متجيب علف للطيور والحيوانات لا تقولك أصل العلف غالي ، طيب هتأكليهم أية تقولك : العيش يا خوية . وممكن هي تكون بتخبز ومش محتاجة أنها تقف علي طبور العيش ولكن بتقف عشان تجيب عيش كعلف للحيوانات . ( وعشان كده ياريت يكون في فتوه من الأزهر تجرم الفعل ده ) ( فين دور المشايخ ) .







3- ثالثا : - أصحاب المخابز ( وفزلكة أصحاب المخابز ) يا ساتر يارب بالرغم من أن صاحب المخبز ده من الشعب وحاسس بالناس ( قصدي من الشعب يعني : من العامة من طبقة المعدومين ) دلوقتي لا أصبح من طبقة الحكام لا والحكام المستبدين لأنه بيتحكم في لقمة العيش . ويتلذذ بطوابير الناس اللي وقفين أمام مخبزة . ( جشع ) . ( بس دوام الحال من المحال )




4- رابعا : - ياعيني علي النظام الرجالة وقفة والسيدات وكله في قلب بعضة وكلة بيتخانق ياتري مين اللي هيوصل الأول لأن الطبور أية زي القطر طويل قوي ( وطبعا في البعض من مش هقول الكل بيحب يهيص ) ..








5- خامسا : - فضلت أنه يكون خامس حاجة عشان محدش يقول أنت مالك ومال الحكومة . ( حبايبنا ) طبعا لا يخفي عليكم أن الحكومة في سعيها عشان قال أية بتحل الأزمة ماشي : بتحاول تطبق بعض الأفكار اللي هتحل الأزمة طيب زي أية : ( كانوا عيزين يعملوا بيع العيش عن طريق بطاقة الرقم القومي ) يا سلام طيب أفرض في ناس كبيرة معندهاش بطاقة ومش عاملة بطاقة تأكل منين لسة هايستني لما يطلع بطاقة وهو عارف يجيب حق العيش لما يعرف يجيب حق البطاقة ( وطبع ده نظام فاشل ومنفعش لآنة ببساطة عمل زحمة أكتر من الأول ) ومرة يلغوه ومره يرجعوة ومش عارفين رسنا من رجلينا خالص مع الحكومة .




6- سادسا : - ياتري رغيف العيش بيخبزوة أزاي أصل بصراحة كدة الواحد كل ما يأكل رغيف عيش يلاقي أن في حاجة بتكركش في بوئه تقول زلط ، توب ، وممكن كده تلاقي بعض الحشرات يعني أحنا مش عارفين الكلام ده مفيد بيدي مناعة لجسم الأنسان المصري ولا أية الله أعلم



7- سابعا : - أية رايكم لما نخلي بجانب كل مخبز عيش وحدة طبية عشان تلحق الناس اللي بتموت وكمان وحدة شرطة عشان بيكون في حرامية أنتم عارفين بقي أن الطوبير أكتر حاجة بتحسس المواطن أنه قريب من أخوه المواطن .

وطبعا في كلام كتير عن حجم رغيف العيش وكمان جودتة يعني المشكلة مش محتاجة أي توضيح لأنها بالفعل وضحة وضوح الشمس ...

__________________

Share |